Salik na Dapat Isaalang-alang Upang Maging Matagumpay sa Pagtuturo ng Wika"

 May mga salik na dapat isaalang-alang upang maging matagumpay sa pagtuturo ng wika. Para sa akin, kailangang muna isaisip lagi ang mga salik na nakakaapekto sa pagkatuto nito. Ang ilan sa mga salik na may kaugnayan sa pagkatuto ng wika ay ang antas ng intelektwal na pag-unlad ng mag-aaral, haba o antas ng interes o atensyon at panatag na kalooban sa klasrum ng estudyante. Mahalaga rin ang intrinsik o panloob at ekstrinsik o panlabas na motibasyon. Kasi, kung walang interes o motibasyon ang mga mag-aaral, wala ring patutunguhan ang pagtuturo ng wika. Guro ang namamahala sa paghahanda ng mga makabuluhang gawain sa pagkatuto, karagdagang motibasyon sa mga mag-aaral at regular na pagtataya ng kanilang pag-unlad sa pag-aaral. Bukod sa mga nabanggit, napakahalagang may malawak na kabatiran ang guro sa asignaturang kanyang itinuturo. Wika nga, “Hindi maibabahagi ng guro ang anumang bagay na hindi niya taglay.” Upang maging matagumpay sa pagtuturo ng wika kailangang sanayin ng isang guro ang asignaturang kanyang ituturo sa kanyang mga mag-aaral. Dapat na maghanda ang guro ng istrayehiya na makakapukaw sa atensyon ng kanyang mga mag-aaral. Kawili-wili at nakapupukaw ng interes ang paggamit sa klasrum ng mga 

kontemporaryong istratehiya sa pagtuturo ng wika. Mahalaga ang antas ng propesyunal na kaalaman ng isang guro sa mga istratehiya at pamamaraan ng 

pagtuturo ng wika. Mapauunlad ng guro ang kasanayan ng mag-aaral sa paraan ng paggamit ng mga makabagong istratehiya sa pamamagitan ng obserbasyon, 

pananaliksik, pagdalo sa mga seminar, pagsali sa mga intrabisitasyon at 

panonood ng mga pakitang-turo. At upang mas magiging matagumpay ang pagtuturo ng wika kailangan sukatin ng isang guro ang natutunan ng kanyang mag-aaral sa pamamagitan ng pagtataya o pagsusulit.

Dito sa pagtataya, tradisyunal man o alternatibo, pantiyak, panuri o laguman, mahalaga ang mga uri ng pantaya sa proseso ng pagkatuto. Sa mga pasulat na pagtataya: 

 Panuring pagsusulit ang unang ibinibigay upang magkaroon ng paunang kabatiran sa kahinaan at kahusayan ng mag-aaral. 

 Pantiyak na pagsusulit naman ang ibinibigay upang malaman kung gaano 

ang natutuhan ng mga mag-aaral matapos magturo ng isang kasanayan. 

Kadalasang isinasagawa ito pagkatapos ng isang leksyon. 

 Lagumang pagsusulit ang isinasagawa kapag nalinang na ang serye ng 

ilang kasanayan o matapos ang isang yunit. Mahalaga ang lahat ng ito upang maging matagumpay ang pagtuturo ng wika. Laging tandaan na dapat isaalang-alang ang mga salik na positibong nakatutulong sa mabisang pagkatuto ng wika.